Það er greinilega augljóst að ég er ekki manna best í að blogga. Það verður bara að segjast eins og er að ég nenni því nú varla þessa dagana, hef bara öðrum hnöppum að hneppa. Þó er gott að geta gripið í þetta öðru hverju. Við erum núna komin austur fyrir fjall og í sumarfrí takk fyrir takk. Sæmi og Vigdís gifta sig núna á laugardaginn og er nóg að gera í kringum það. Einnig verður skírn á laugardaginn næsta og erum við Palli skírnarvottar þar auk þess sem maður gæti nú reynt að klessa saman eins og tveimur kökum. Annars er bara rólegheit, Palli er núna í Baugstaðarós að veiða en hann er ötull veiðimaður þessa dagana. Auðveldar mér nú jólagjafirnar en tekur kallinn annsi oft frá heimilinu. Það verður sennilega fínt þegar við erum orðin gömul og þreytt á hvort öðru . Danmerkurferð þeirra bræðra og okkar spúsna var fín, við náðum nú að spreða þónokkru í þeirri ferð og við Palli svo í lúx eftir að hafa farið þangað. Veðrið var æðislegt allann tímann, sól og hiti. Við Palli lentum reyndar í svolitlum hasar í lúx en þannig er nú lífið. Deildin mín er svo búin að sameinast HNE (háls, nef og eyrnadeild). Það er voðalega interessant en þó ekki komin almennileg reynsla á þetta allesammen. Er reyndar ósköp fegin að vera komin í sumarfrí. Hann pabbi minn er svo úti í Litháen núna þessa stundina, hann og unnustan hans hún Lima eru að heimsækja fjölskyldu hennar þar úti sem er bara æðislegt. Nonni og Sif eru svo búin að eignast lítinn dreng sem þau hafa nefnt Grím og munum við líklega von bráðar fara í skírn hans. Við buðum reyndar allri fjölskyldunni minni í grill um daginn sem heppnaðist vel, allir voru saddir og sælir og litlu krílin að hittast í fyrsta sinn. Hlakka ósköp til að sjá þau vaxa úr grasi og kynnast þeim betur. Bára litla er strax orðin svolítið mannaleg, get meira að segja svarið það að hún býr yfir fjölskyldufrekjunni .

Tútu

Dísan heimtar blogg svo það er víst best að láta það eftir henni . Það styttist óðfluga í Danmerkurför okkar Sveinsson family, ein vika til brottfarar. Ætli maður njóti þess nú ekki að þurfa ekki að gera neitt nema letihaugast og versla. Annars munum við Palli kíkja aftur til Lúx en hin munu yfirgefa okkur á sunnudeginum svo að við ákváðum að skreppa yfir og hafa það gott þar áfram. Aumingja Elsa og Nonni, fá aldrei frið fyrir okkur. Erfingi Guðna og Drífu ætlar annars að láta bíða eftir sér, er orðin svolítið hrædd um að hann komi bara þegar ég er úti . Hlakka þó ósköp til að kynnast þessu kríli. Lúkas og Dózer verða voða flottir í barnapístörfum, Lúkki þessi ábyrgi varðhundur og Dózer að prakkarast með krílinu . Glasgow gengið er annars búið að vera í heimsókn hjá okkur. Það gekk vonum framar og var meðal annars farið niður í bæ, hlegið að Trond fullum, keyrt að Gullfossi, Geysi og Þingvöllum og farið í Bláa lónið svo fátt eitt sé nefnt. Við Palli höfðum þó aldrei farið í lónið áður svo það var feikna fjör að prófa það. Svo fáum við annan norðmann í heimsókn til okkar í júní svo það er feikinóg að gera. Stóri viðburðurinn verður þó brúðkaup þeirra Sæma og Vigdísar í ágúst, tengdapabbi hefði þó viljað gifta okkur öll í einu en það var nú ekki alveg í boði . Gæsunin verður líka ferlega skemmtileg en ég tala nú ekki meir um hana hér, Vigdís mín þú bara kemst að því þegar þar að kemur hvað verður gert . Anyhú knús

Ég hef verið alveg ferlega léleg að blogga undanfarið. En já það hefur verið alveg nóg að gera hjá okkur hjónaleysum og ber þar helst að nefna ferð til Lúx núna í mars. Sú ferð var æðisleg einu orði sagt og áttum við góðar stundir saman með Elsu, Nonna og Sváfni. Við Palli sáum í þessari ferð svolítið horn af Belgíu en við fórum í dagsferð þangað og skoðuðum stríðsminjasafn ásamt litlu fjölskyldunni og snæddum svo belgískar vöfflur í Bastogne. Einnig röltum við um miðborg lúx og fórum í dagsferð til Trier þar sem var mikið verslað og notið lífsins. Á kvöldin var spilað tíu og sötrað hvítvín eða portari. Ekki slæmt það. Það er búið að vera nóg að gera í skólanum undanfarið en verkefnavinna hefur átt hug manns undanfarið. Síðustu skil á verkefnum er núna í lok maí svo nóg er fyrir stafni. Ég er einnig búin að vera að búa til veggspjald fyrir deildina vegna viku hjúkrunar og er þetta í þriðja sinn sem ég tek þátt svo það er líka voða gaman. Við misstum góðan vin núna undir lok mars en hann Siggi okkar lést eftir langa baráttu við sjúkdóm. Elsku karlinn, við kvöddum hann núna um helgina og var gott að geta fylgt honum eftir til hinstu hvílu. Lydía hans Ómars var fermd um helgina og kíktum við í veisluna hennar. Hún var haldin í Rauða húsinu á Eyrarbakka og var voðalega fín. Skvísan söng fyrir okkur og er greinilegt að upprennandi söngkona er þarna á ferðinni. Það fer svo að styttast í lítinn bumbubúa hjá þeim Guðna og Drífu sem er mjög spennandi, hlakka til að kynnast frænku/frænda þegar að því kemur. Glasgow stóðið kemur svo um hvítasunnuhelgina og verður hjá okkur, það er ekkert smá gaman og hlökkum við ægilega til að fá þau til okkar í grill, tjatt og fleira. Það er því mikið í gangi hjá okkur og ekki finnst okkur það leiðinlegt.

Knús

Já það eru greinilega bara alltaf jólin hjá mér enda er ég algert jólabarn . En hvað um það, það er alltaf nóg að gera hérna í Espigerði, fengum til okkar bræður hans Palla og kvinnurnar þeirra í gærkveldi. Það var grillað þetta geggjaða lambalæri og borðað saman sem var mjög notó. Verst að ég var alveg eins og zombie þar sem ég svaf ekkert alltof mikið eftir næturvaktina á fimmtudag. Þetta var þó ægilega notalegt og okkur tókst meira að segja að lækna þynnkuna hjá henni svilkonu minni með matnum . Við fengum meira að segja nokkuð stórar fréttir frá öðru parinu en það verður geggjað brúðkaup í sumar ( þó svo ég fái ekki að vera hringaberi, sama hvað ég reyndi að telja þau á það að leyfa mér það ). Í kvöld erum við svo að fara í dinner út í Garð en þá eru Bifrestingar að njóta þess að vera til og vera saman. Við erum svo að hendast út til Lúx þann 18. mars sem verður bara geggjað. Stefnan er tekin á að kíkja á Nonna, Elsu og Sváfni og njóta þess að vera til og verðum við úti hjá þeim til 23. mars. Sumarið verður ekki síður bissí, Bræðurnir ásamt okkur kvinnunum eru á leið til Danmerkur og verðum við þar í rúma viku. Ekki leiðinlegt það, ástæða þess að við ákváðum að skella okkur er að hann Olli er 30 ára í ár og er þetta svona gjöf frá okkur hinum til hans. Í maí og júlí verður svo fjölgun í fjölskyldunni þar sem bræður mínir elskulegir eiga von á sér. Það verður spennandi að sjá litlu krílin og kynnast þeim. Salka verður stóra systir og ég held bara að hún muni standa sig með príði daman. Annars er afar skrítið hvað hún er búin að stækka og þroskast fljótt, mér fannst hún eiginlega bara hafa fæðst í gær. Verst er þó að hún mamma sem var nú baby óð áður en hún lést mun ekki koma til með að fá að njóta þess að fylgjast með þessari þróun. Held reyndar að hún myndi nú hafa djöflast í mér varðandi barneignir. Hún amma mín elskuleg sá reyndar um það, heyrði í henni um daginn og var spurð eins og henni var einni lagið, ,,hvernig er það ert þú ekki að fara að koma með barn?,, . Greinilega ekki nóg að tveir af fjórum systkinum séu að sjá um þetta.

Ég er búin að eiga alveg yndislegan aðfangadag. Maðurinn minn elskulegur tók sig til og gaf mér alveg 8 pakka sem hver um sig innihélt Iittala hluti sem mig langaði í. Hann gaf mér 4 pör af Ultima Thule glösum á fæti sem eru alveg hrein geggjuð og 6 stk af Kivi kertastjökum í bláum litum. Einnig fékk ég leynipakka sem var myndin Pirates of the caribbean: at worlds end. Pabbi og Höddi gáfu mér iittala ostahníf sem er rosalega flottur og tengdamamma og pabbi gáfu mér stóra skeið frá iittala og silfur gaffal og skeið sem eru antík. Það er því greinilegt að ég átti iittala jól sem er ekki leiðinileg. Einnig tóku  þau sig til og létu yfirdekka einn gamlan stól frá ömmu Palla og gáfu okkur hann. Vægast sagt mjög flottur stóll. Settu á hann ljós grátt efni og létu dökk grátt í setuna. Tréverkið er svo tekk sem er sko ekki verra. Amma og afi gáfu okkur fína salatskál, Tinna, Fannar og Aníta ægilega sæta Rosendahl kertastjaka, jólasveinnin gaf okkur þessa fínu skál, Nonni, Sif og Salka gáfu okkur mynd af litlu skvísunni sem er ekkert smá sæt, Guðni, Drífa og gæludýrin gáfu okkur ET myndina og 1000 stk púsl sem mun taka okkur forever að púsla en samt mjög skemmtilegt. Svo bíða okkar tveir pakkar í bænum frá góðu fólki sem við erum svo heppin að eiga að . En Sigrún, það verður sko boðið upp á eitthvað gott í iittala glösum næst þegar þið Valli komið í heimsókn . Ástin mín, takk æðislega vel fyrir mig, þú ert alger perla og ég veit hreinlega ekki hvað ég gerði til að eiga þig skilið. Gleðileg jól allesammen. 

 

Jæja, fólk er farið að spyrja mann hvort maður sé hættur að blogga. Greinilegt er að það er kominn doldið langur tími síðan síðast .

Það er búið að vera nóg að gera hjá mér síðan ég bloggaði síðast. Fyrst er vert að nefna Búdapest ferðina mína en ég fór þangað 12-16. september á brunaráðstefnu. Við Sigga, hjúkka sem vinnur með mér, lögðum af stað afar snemma eða um 4 leytið um nóttina. Við hittum hina tvær hjúkkurnar í vélinni á leiðinni til Amsterdam en þar þurftum við að ná vél til Búdapest. Við vorum mættar á svæðið um fimmleytið að staðartíma og þutum beint upp á hótel til að henda af okkur draslinu áður en við fórum svo upp á Hilton hótelið til þess að skrá okkur á ráðstefnuna. Hilton hótelið var nota bene á castle hill sem var frekar hátt uppi svo við þurftum að arka þessa blessuðu hæð á hverjum morgni og stundum tvisvar . Í lok ferðarinnar var maður vel meðvitaður um að maður hefði læri. Ráðstefnan var mjög skemmtileg, tja á köflum allavegana, og var sett upp þannig að maður gat valið sér ákveðið herbergi og setið þar og hlýtt á 10 mín fyrirlestra. Eins var hægt að rótera á milli herbergja en þá átti maður á hættu með að missa af fyrirlestrum þar sem þeir voru einungis 10 mínótur hver. Við Sigga ákváðum bara að sitja kyrrar í því herbergi sem við völdum okkur í það sinn. Við skiptum líka með okkur herbergjum ef það var eitthvað sem maður vildi sjá eða heyra í fleiri en einu. Dagskráin byrjaði vanalega um 08:00 og var búin 17:00 svo þetta var heljarinnar prógramm með kynningum og fleiru. þar sem þetta var svona mikið prógramm vannst hreinlega ekki mikill tími til þess að skoða sig mikið um en það var allt í lagi þar sem við vorum bara í hjarta bæjarins og gátum því aðeins skoðað á laugardeginum þar sem dagskránni lauk formlega um hádegi. Okkur var líka boðið (ásamt öllum ráðstefnugestum) á galakvöld á föstudagskvöldið. Þar var ungverskur skemmtikraftur sem við getum svarið fyrir að var alveg eins og Geir Ólafs bara 60 ára. Hann var afar hallærislegur þar sem hann var gargarandi í hljóðnemann og hoppandi upp á borð. Eins var hann með tvær stelpur sem dönsuðu fyrir aftan hann í pallíettukjólum. Ekki smart nokkuð ljóst. Við vorum ekki mjög lengi um kvöldið vegna strengja og þreytu. Það var pínu verslað í ferðinni en ekki mikið og var það flest allt gert á laugardeginum eftir hádegi.

Annars er ég byrjuð í skólanum og er það ágætt, nóg að gera og strax einhver verkefnavinna. Er núna að skila af mér verkefni upp á 30% af heildareinkunn í einum kúrs, í desember eigum við svo að skila öðru sem er 70% og svitnar maður bara við tilhugsunina.

Ég er líka búin að kíkja á hana Anítu Ósk en hún er algert rassgat. Stelpan dafnar og þroskast og gaman að fylgjast með því.

Amma mín elskuleg er annars búin að vera pínu slöpp. Hún hefur legið á spítala undanfarið en er á bataleið sem er bara gott mál.

Nóg í bili

Knús

Jæja það er nú bara doldið langt síðan ég skrifaði eitthvað af viti hérna á síðuna mína. Við hjónaleysi erum hérna í Gunnarsholti í góðu yfirlæti og erum afskaplega fegin að hafa ekki farið neitt í útilegu yfir verslunarmannahelgi. Krakkarnir eru einnig hérna en fara í bæinn aftur í kvöld eftir kvöldmat. Jóhanna frænka er komin til okkar og hefur það að eigin sögn afskaplega fínt. Við erum ægilega ánægð með að hafa fengið hana til okkar. Hún bauð okkur tengdadætrunum út að borða á Ask á Miðvikudaginn. Við erum búin að fara í brúðkaup til Valla og Sigrúnar sem var mjög skemmtilegt og finnst mér þessi brúðkaup þau bestu, þ.e. þegar góðir vinir okkar Palla gifta sig. Við eigum líka eftir að fara í annað brúðkaup þann 8. sept. hjá Bylgju og Bjarna og hlakkar okkur ekkert síður til að fara í það brúðkaup . Annars erum við í sumarfríi og njótum þess, ætlum jafnvel að fara eitthvað í útilegu í næstu viku en það fer eftir veðri og vindum. Tinnslan mín er svo alveg að fara að detta, ég bíð orðið spennt við símann að heyra hvort litlan sé komin í heiminn. Þetta barn verður sko elskað nokkuð ljóst enda á hún svo góða foreldra, ömmur og afa og það sem mest um skiptir afskaplega æðislega og flotta frænku . Það styttist einnig í brunaráðstefnuna og skólann minn, ég hlakka orðið afskaplega til. Við munum fljúga út til Búdapest þann 12. sept. og koma heim aftur 16. sept. Skólinn er einnig afar interessant og verður það bara ákaflega ágætt að taka nýjann vinkil á atvinnulífið og verða pínu hluti af skólanum aftur.

Knús 

Vinna vinna vinna, mitt líf um þessr mundir. Það styttist þó óðum í sumarfrí og það er þó bót í máli. Passaði Sölku litlu fyrir stuttu, daman er óðum að stækka og verða myndarlegri enda að verða tveggja ára. Það er þó nóg framundan hjá mér, en mér var boðið að fara á vegum deildarinnar á brunaráðstefnu í Búdapest dagana 12-15. september. Við verðum fjórar allt í allt svo þetta er verður afar spennandi og mikill heiður að vera boðið að fara. Fórum austur hjónaleysin og kíktum á pabba. Palli var afar duglegur og hjálpaði honum að hreinsa til í garðinum, við kíktum líka í Þjórsárdalinn á móðurfamilínua mína þar. Góður laugardagsrúntur það. Annars er ég orðinn alger netfíkill þessa dagana, ekki nóg með að ég sé með myspace síðu sem er svo agalega inn þessa dagana heldur er ég líka búin að búa mér til facebook síðu. Geysilega veraldarleg núna . Jámsí nóg í bili um það.

 

Knús

París var æði í einu orði sagt . Við flugum út á miðvikudag ægilega snemma og vorum lent á Charles deGaulle flugvelli klukkan 13:00. Héldum okkar leið á hótelið sem var steinsnar frá Eiffel turninum og Hotel Invalides . Umferðin í París er með öllu óskyljanleg, bílarnir eru allir í einni hrúgu og svo er bara reynt að troða sér hér og þar inn á milli til að komast leiðar sinnar. Nokkuð ljóst að ég hefði ekki meikað það að keyra þarna um. Þegar við vorum búin að tékka okkur inn og koma okkur fyrir fórum við í góðan göngutúr að Notre Dame og löbbuðum meðfram Signu að henni. Notre Dame er afar falleg og gaman að kíkja á þessa fallegu kirkju. Eftir að hafa stoppað og fengið okkur að borða svolítið röltum við af stað að leita að leigubíl en það gekk eitthvað erfiðlega að finna hann . Þegar við svo loksins náðum í bíl að þá lá leið okkar að Sacre Coeur og var keyrt framhjá Rauðu myllunni á leið þangað. Heilaga hjartað var ekki síður fallegt en Notre Dame og var útsýnið yfir París alveg óviðjafnanlegt. Fórum inn í basilikuna og skoðuðum hana en fengum okkur svo að borða á veitingastað við hliðina. Það verður þó að segjast að þar fengum við því miður frekar vondan mat en þetta getur alltaf komið fyrir . Daginn eftir vöknuðum við snemma til að geta borðað morgunmat áður en við héldum að Eiffel turninum. Við löbbuðum þangað líka og tók það ekki nema um 10-15 mínótur. Turninn var afar flottur og tilkomumikill þegar hann gnæfði yfir mann. Því miður var ekki opið á efstu hæðinni svo við fórum einungis upp á aðra hæð en það var engu að síður afar flott útsýni þaðan. Frá turninum löbbuðum við að Sigurboganum og gengum þar upp til að skoða enn meira útsýni og var það einnig mjög gaman. Gengum svo Champs-Elyseés alla leið að Louvre en fórum þó ekki þar inn þar sem það hefði tekið meira en einn dag að skoða það safn. Röltum þaðan niður að Signu og fengum okkur siglingu að Eiffel turninum þaðan sem við gengum heim og hvíldum okkur áður en norðmennirnir (Trond, Kjetil og Audun) kæmu um kvöldið. Fórum með þeim svo að borð þegar þeir komu og gengum aðeins um hverfið í kring en við hjónaleysi fórum að sofa fljótlega upp úr tíu þar sem við byrjuðum afar snemma um morguninn. Daginn eftir bættist Charlotte kærasta Auduns í hópinn og fórum við Palli eftir morgunmat með þeim í Lafayette verslunarmiðstöðina að versla en komum þó tómhent heim aftur vegna þess hversu dýrt allt var. Hittum svo Trond og Kjetil við Notre Dame og fengum við okkur að borða áður en við tókum lestina til Melun þar sem við hittum Antoine og Laurence. Fengum fínustu osta um kvöldið og strákarnir spiluðu póker í gríð og erg. Daginn eftir kíktum við í Mall rétt hjá til að versla fyrir kvöldið og gátum við Charlotte kíkt aðeins í Sephoru og Zöru en ekki var mikið verslað þar. Fengum svo að sjá brúðkaup þeirra Laurence og Antoine á dvd en það var mjög krúttlegt og ekki síst fyrir þær sakir að Laurence skildi ekki alveg hvað presturinn var að segja. Gáfum þeim svo gjafirnar en við færðum þeim bók á frönsku um ásatrúna og íslenskt lopateppi sem þau voru mjög ánægð með. Um kvöldið var svo grillað, spilað borðtennis úti í garði og svo póker seinna um kvöldið. En fleiri franskir vinir brúðhjónanna mættu í teitið. Daginn eftir fóru norðmennirnir um þrjúleitið en við Palli kíktum aðeins í göngutúr áður en við fórum með þeim hjónum til Parísar og náðum að kíkja aðeins á íbúðina fínu áður en við urðum að mæta á flugvöllinn. Flugið okkar var svo um 20 mínótur yfir 23 svo við vorum ekki lent heima fyrr en klukkan að ganga tvö um nóttina. Allt í allt var þetta alveg geggjuð ferð og var mikið rætt um að við myndum reyna að hittast eitthvað árlega þessi hópur og er stefnt að því að fólkið komi til okkar á næsta ári .

 

 

Það er einungis ein vika í að ég og Palli förum til Parísar. Ég er orðin svooo spennt að ég er sko komin þangað í huganum. Annars allt við það sama, fórum austur síðustu helgi og það var gott. Verð að vinna þessa helgi. En Brósi litli er að útskrifast sem og Sæmi þann 16/6 svo það verður nóg að gera í veisluhöldum þann daginn. Fékk reyndar einn draum uppfylltan um daginn þegar við Palli örkuðum í kringluna og festum kaup á blárri Kitchenaid hrærivél. My oh my þetta er sko fínasta græja og míns getur farið að baka eins og hún eigi lífið að leysa. Rós, Emilía og Anne komu til mín um daginn og áttum við gott kvöld saman með nammi og spjalli. Það var sko ljúft að hitta þessar skvísur, alltaf gott að hitta sína góðu vini. Þessar stelpur eru sko búnar að þekkja mig í gegnum súrt og sætt svo þær eiga annsi stóran stað í hjarta mér. Sæmi og Vigdís voru svo að mæta til landsins en þau voru í Tælandi að skoða gras og þjóð. Gaman að fá þau aftur heil á húfi. Mín er svo byrjuð að fikta við myspace dæmið, en það voru allir að tala um þetta svo maður verður að vera alger sauður og byrja líka. Linkurinn er www.myspace.com/totusthegreat fyrir þá sem vilja kíkja. Vinahópurinn samanstendur þó mestmegnis af tónlistarmönnum og leikurum en hey er enn doldið græn í þessu öllusaman.

 

 

Knús

Maður hefur sko nóg að gera það er alveg á tæru. Við Palli erum búin að fara í útskriftarveislu hjá Tinnu frænku, skroppið út í Garð til þeirra Valla og Sigrúnar sem by the way voru eins og endranær fullkomnir gestgjafar . Eins erum við búin að fara í vinnuteiti til hans og til mín. En hjá mér var kúrekaþema og lærðum við Línudans . Í gær vorum við svo í útskriftarveislu en þar hittum við nokkra Bifrestinga og ektakvinnur þeirra. Ég skildi svo Palla þar eftir og fór að vinna eins og endranær. Það er því alveg kreisí að gera hjá okkur í social lífinu hérna í Reykjavíkinni. Annars er það bara sofa, borða og vinna reglan hjá okkur. Við fáum reyndar hana Emilíu mína og afkvæmin hennar í mat til okkar annað kvöld og planið er að grilla eitthvað gott sem og eiga góða stund saman. Það er svo alveg yndislegt að sjá hvað sólin er árrisul þessa dagana, um c.a. tvö er byrjað að birta og það styttir bara næturvaktirnar alveg helling.

Sólskinsknús

Það er nú meira hvað maður er orðinn latur við að blogga . Það er reyndar búið að vera alveg nóg að gera í vinnunni undanfarið og það eru einu skiptin sem maður kemst í tölvu að einhverju leyti. Við erum sumsé ekki enn komin með tölvu og hvað þá nettengingu heima í Espigerði. Annars er lítið í fréttum, við höfum lítið farið austur undanfarið, annað hvort er ég eða Palli að vinna svo frítíminn fer fyrir lítið. Við græddum reyndar frystikistu núna um daginn, að vísu er hún um 30 ára en við fengum hana gefins og vonandi mun hún duga okkur næstu árin. Kosningar afstaðnar sem betur fer, gerði lítið annað dagana fyrir kosningar en að ljúga að fólki sem annað hvort bankaði uppá eða hringdi til að veiða atkvæði. Jú jú ég skal sko kjósa flokkinn þinn heyrðist oft. Eins þessir endalausu kosningapésar sem stífla póstkassann, urr þoli þá ekki. Við fórum í Eurovision partý núna um síðustu helgi og skemmtum okkur vel, kíktum til frændfólk Palla en þetta er svona næstum því árviss hittingur innan familíunnar. Passaði einnig hana Sölku mína á föstudaginn í stutta stund, en ég sótti hana á leikskólann og labbaði með hana heim og gekk það mjög vel, við frænkurnar ræddum saman um flugvélar og ketti á leiðinni heim og er hún að verða annsi mannaleg sú stutta . Stefnan er svo um helgina að kíkja í Garðinn til Valla, Sigrúnar og krakkanna, hlökkum mikið til þar sem langt er síðan við sáum þau síðast og áttum þá góðar stundir á klaustrinu. Þetta verður sko ekki minna gaman og þá . Palli fór svo í gær og verslaði hillur í geymsluna okkar, loksins verður hægt að koma reglu á óreiðuna þar niðri. Þetta er því allt að smella hjá okkur. Annars óska ég henni Tinnu minni hjartanlega til hamingju með útskriftina sína en hún er að verða stúdína frá FÁ.

Knús

Maður er bara alltaf í vinnunni , það er búið að vera nóg að gera hjá manni þessa dagana. Eitt stykki veggspjald fór í prentun í dag vegna viku hjúkrunar og svo er maður kominn í einhvern hóp þar sem við verðum að vinna verklagsreglur. Eins er ég búin að vera í rýnihópnum undanfarið svo að maður fer einu sinni í mánuði á fund. Við skötuhjú verðum annars í bænum þessa helgina þar sem gæinn minn er að vinna annan hvorn daginn. Annars er stefnan að setja upp hillurnar þá svo það verður bara gaman þegar þær eru loks komnar upp. Sófinn sem við keyptum er bara æði, svo gott að sitja eða liggja í honum svo að við erum mikið sátt við þau kaup. Kíktum í partý til Olla og Laugu síðustu helgi, það var fínt, vorum alveg til að ganga 3 um nótt. Palli fór svo í veiði í Borgarfjörðinn daginn og var í sólarhring. Ég sat heima á meðan og glápti á friends. Ég er annars komin með fiðring í magann varðandi París, ef ég mætti ráða myndi ég pakka niður í dag en það er víst ekki komið að þessu enn . Við fáum svo líklega góðan gest í ágúst svo okkur hlakkar mikið til þá. Sumarið er annars bara komið finnst manni, orðið nokkuð hlýtt og laufin farin að láta sjá sig hérna í bænum. Það verður bara geggjað þegar hlýtt er orðið, maður er komin með nóg af vetrinum.

 

Sumar knús

Jæja er ekki kominn tími á einhverjar fréttir . Það er alveg ótækt að maður skuli ekki blogga í næstum því mánuð. Við erum loksins komin með sófa , fórum í einn sófaleiðangur um daginn og þræddum búðirnar í kópavogi. Fundum engann fyrr en á síðasta staðnum að þá fundum við heila þrjá sem komu til greina, stóðum þarna góða stund og veltum vöngum áður en við keyptum loks SÓFANN. Hann er nú algerlega æðislegur, afar kósý að lúra í honum yfir sjónvarpinu eða við að hnýta flugur eins og maðurinn minn er farinn að gera. Svefnsófinn er því kominn inn í gestaherbergið og var tengdamamma fyrst til að gista hjá okkur. Við fórum nefnilega í fermingu um daginn og var tengdapabbi í Ohio svo frúin gisti í Reykjavík. Annars er ferming um næstu helgi líka og það hjá minni uppáhalds frænku svo ég læt mig nú ekki vanta þangað . Svo er framundan ferð til París með mínum heittelskaða, við förum að öllum líkindum út þann 20. júní og verðum til 24. júní. Það verður bara hreint út sagt æðislegt og hlakka ég mikið til. Páskarnir eru svo búnir að vera góðir, við fórum austur á föstudag eftir næturvakt hjá mér og er ég svo á næturvakt aftur í nótt svo við förum aftur í bæinn í kvöld. Maður þarf rólegheit inn á milli svo að það er gott að geta slappað af. Jammsí nóg framundan hjá okkur og það er bara gott.

Knús

Ég átti alveg hreint æðislegan afmælisdag. Ég svaf til tíu um morguninn og þegar ég kom fram var maðurinn minn búinn að skilja eftir pakka á sjónvarpinu . Í honum var þriðja þáttaröðin af Alias og kúrði ég mig bara undir sæng og glápti á imbann fram eftir degi. Mér finnst þessir þættir alveg æðislegir svo að þetta var sko ekki slæm gjöf frá mínum heittelskaða. Um fjögur komu Kiddi Nonni og Salka í heimsókn en ég var svo á leið til þeirra að passa þá stuttu því brósi var á leiðinni á námskeið. Við frænkurnar skemmtum okkur vel saman við að dansa, hoppa og horfa á teiknimyndir auk þess sem sú stutta naut þess að stríða manni. Brósi kom svo heim um sjö og Palli kom einnig um það leyti að sækja mig en við ætluðum út að borða á Argentínu. Þegar út í bílinn var komið var þar annar pakki frá Palla og í honum var þetta æðislega ilmvatn frá Kenzo. Maðurinn minn var alveg að skora fullt af stigum þarna . Á Argentínu fengum við alveg geggjaðar steikur og mjög góðan eftirrétt. Við ultum hreinlega út pakksödd og ánægð að ganga tíu um kvöldið . Ekki skemmdi það kvöldið að hann tjáði mér að við myndum að öllum líkindum fara til Frakklands í sumar og þá stoppa 1-2 daga í París. Þeir sem þekkja mig vel vita að ég hef þráð að fara til Frakklands og þá helst Parísar frá því að ég var krakki. Þannig að þegar hann sagði mér þetta var toppurinn á öllu saman. Þegar heim kom beið mín þriðji pakkinn frá Palla og leyndist í honum 2 kvikmyndir, ein stelpumynd fyrir mig og ein vampírumynd fyrir okkur bæði en við erum bæði annsi miklir kvikmyndaunnendur. Ég er svo ánægð með manninn minn þessa dagana, hann er svo fær um að bræða mann og hans vegna átti ég alveg yndislegan afmælisdag. Hon þú ert einfaldlega bestur.